தண்டேவாடாவில் மாவோயிஸ்ட்கள் வைத்த கண்ணிவெடியில் பேருந்து சிக்கியதில் 40 பேர் பலியானார்கள். பலர் படுகாயமடைந்துள்ளனர்.சத்தீஸ்கர் மாநிலம் தாண்டேவாடா-சிக்மா சாலையில் சிங்காவரம் என்ற இடத்தில் கதிராஸ் என்ற இடத்திலிருந்து புசாரஸ் என்ற இடத்திற்கு பொதுமக்கள் சென்று கொண்டிருந்த பஸ் மாவோயிஸ்ட்கள் வைத்த கண்ணி வெடியில் சிக்கியது. இந்த விபத்தில் 40 பேர் பலியானார்கள். இதில் 15க்கும் மேற்பட்ட சிறப்பு போலீஸ் படை அதிகாரிகள் இறந்துள்ளதாக தெரிகிறது.
இந்த விபத்தில் பலர் படுகாயமடைந்திருப்பதாகவும், இதனால் பலி எண்ணிக்கை மேலும் அதிகரிக்கும் என்றும் அஞ்சப்படுகிறது. இந்த பேருந்தில் 40க்கும் மேற்பட்ட பாதுகாப்பு படை வீரர்கள் சென்றதாக தகவல் வெளியாகியுள்ளது.
இந்த சம்பவம் பற்றி அம்மாநில சிறப்பு போலீஸ் படை உயர் அதிகாரி ஒருவர் கூறுகையில், இந்த விபத்தில் 50 பேர் இறந்திருக்கலாம் என்று கூறினர்.
சம்பவம் நடந்த இடத்தில் போலீஸ் அதிகாரிகள் மீட்பு பணியில் ஈடுபட்டுள்ளனர். கடந்த மாதம்6ம் தேதி தண்டேவாடாவில் மாவோயிஸ்ட்கள் நடத்திய தாக்குதலில் . 70 மத்திய ரிசர்வ் போலீஸ் படை அதிகாரிகள் இறந்தது குறிப்பிடத்தக்கது.
0 கருத்துகள்: on "தண்டேவாடாவில் மாவோயிஸ்ட்கள் மீண்டும் தாக்குதல்: 40 பேர் பலி"
கருத்துரையிடுக