பாலைவனத் தூதின் கட்டுரைப் போட்டி குறித்த அறிவிப்பு

அன்பார்ந்த வாசகர்களே!
தங்கள் மீது இறைவனின் சாந்தியும் சமாதானமும் உண்டாவதாக.

பாலைவனத் தூதின் ஓராண்டு நிறைவை முன்னிட்டு மாபெரும் கட்டுரைப் போட்டி ஒன்றை நடத்தி வருகின்றோம் என்பதை தாங்கள் அறிவீர்கள்.

போட்டிக்கான தலைப்புகளாக
*இந்தியா:தீவிரவாதத் தாக்குதல்களும் திரைமறைவுச் சதிகளும்
*இணையத்தில் முஸ்லிம்கள் சாதனையா? வேதனையா?
*நமக்கென்று ஒரு நாளிதழ்- பிரச்சனைகளும் சவால்களும்
ஆகிய மூன்று தலைப்புகளை வெளியிட்டிருந்தோம்.மேலும் போட்டிக்கான கடைசி நாளாக ஜூலை 8 ம் தேதியை நிர்ணயித்திருந்தோம்.

பெரும்பாலான மக்கள்,குறிப்பாக சகோதரிகள் கட்டுரைப் போட்டியில் ஆர்வமுடன் கலந்து கொண்டு கட்டுரைகளை எழுதி thoothu.essays2010@gmail.com என்ற மின்னஞ்சல் முகவரிக்கு அனுப்பி வைத்திருந்தனர். அல்ஹம்துலில்லாஹ்.

ஒவ்வொருவரும் அவர்களுக்குரிய தனித் திறமையுடன் கட்டுரைகளை எழுதியிருந்தனர். அவ்வாறு எழுதி அனுப்பிய அக்கட்டுரைகளில் பெரும்பாலான கட்டுரைகள் கொடுக்கப்பட்ட தலைப்புகளிலிருந்து விலகிச் செல்லும் வகையிலேயே அமைந்திருந்தன. இதற்கு காரணம் தலைப்புகளை வாசகர்களில் பெரும்பாலானோர் சரியான முறையில் புரியாததே என்று நினைக்கிறோம்.

ஆகவே வாசகர்கள் பெரும்பாலானோரின் வேண்டுகோளுக்கிணங்கவும், வாசகர்களுக்கு மீண்டும் ஒரு வாய்ப்பை வழங்கும் முகமாகவும் கட்டுரைப் போட்டியின் நிறைவு நாளை ஜூலை 31 வரை நீட்டித்துள்ளோம் என்பதை அன்புடன் தெரிவித்துக் கொள்கிறோம்.

கட்டுரைப் போட்டியின் தலைப்பும் சிறு குறிப்பும்
*இந்தியா:தீவிரவாதத் தாக்குதல்களும் திரைமறைவுச் சதிகளும்:
பழி வேறு பாவம் வேறு-குண்டுவெடிப்புகள்-உடனடிக் கைதுகள்-தற்போதைய விசாரணைகள்

*இணையத்தில் முஸ்லிம்கள் சாதனையா? வேதனையா?
முஸ்லிம்களின் பங்கு- துறைகள்- செயல்பாடு- தொழில்நுட்ப வேகத்திற்கு ஈடு

*நமக்கென்று ஒரு நாளிதழ்- பிரச்சனைகளும் சவால்களும்
முஸ்லிம்கள் நாளிதழ்- ஏற்படும் பயன்கள்- எதிர்கொள்ளும் சவால்கள்- பொருளாதாரப் பின்புலம்

குறிப்பு:ஒருவர் ஒன்றுக்கு மேற்பட்ட தலைப்புகளில் கட்டுரைகளை எழுதலாம்.