பேஸ்புக் உபயோகம்:அரபு நாடுகளில் யு.ஏ.இ முதலிடம்

அபுதாபி,பிப்.9:பேஸ்புக் என்ற சமூக நெட்வர்க் இணையதளத்தை அரபு நாடுகளில் உபயோகிப்போரின் எண்ணிக்கை அதிகரித்து வருகிறது. இந்நாடுகளில் ஐக்கிய அரபு அமீரகம் முதலிடம் வகிப்பதாக துபாய் காலேஜ் ஃபார் கவர்ன்மெண்ட் அட்மினிஸ்ட்ரேசன் ஆன் சர்வே என்ற மையம் நடத்திய ஆய்வில் தெரியவந்துள்ளது.

அரபுலகில் 15 வயதிற்கும் 29க்கும் இடையேயான நபர்கள் சமூக உறவுகளை பலப்படுத்துவதற்காக சோசியல் நெட்வர்க் இணையதளங்களை உபயோகித்து வருகின்றனர்.

2010 ஜனவரியில் அரபுலகில் பேஸ்புக் உபயோகிப்பவர்களின் எண்ணிக்கை 11.9 மில்லியனாக இருந்தது. ஆனால், 2010 டிசம்பர் மாதம் இவ்வெண்ணிக்கை 21.3 சதவீதமாக உயர்ந்துள்ளது.

சர்வதேச அளவில் சோசியல் நெட்வர்க்குகளை அதிகமாக பயன்படுத்தும் முதல் பத்து நாடுகளில் யு.ஏ.இ இடம் பிடித்துள்ளது.

துனீசியா, எகிப்து ஆகிய இடங்களில் ஏற்பட்டுள்ள மக்கள் எழுச்சி விரைவாக பரவுவதற்கு காரணம் பேஸ்புக் போன்ற சமூக நெட்வர்க்குகளாகும் என அந்த ஆய்வு தெரிவிக்கிறது.

செய்தி:மாத்யமம்