மங்களூரில் விபத்துக்குள்ளான ஏர் இந்தியா விமானத்தின் கருப்புப் பெட்டி ஞாயிற்றுக்கிழமை மீட்கப்பட்டது. 
விமான விபத்து நடந்ததற்கான காரணத்தை அறிய உதவும் கருப்புப் பெட்டி மற்றும் எஃப்டிஆர் கருவிகள் கண்டுபிடிக்கப்பட்டுள்ளதால், விபத்துக்கான காரணம் விரைவில் தெரியவரும்.
துபையிலிருந்து புறப்பட்டு, கர்நாடக மாநிலம் மங்களூர் பஜ்பே விமான நிலையத்தில் சனிக்கிழமை அதிகாலை 6.30 மணிக்கு தரையிறங்கிய போயிங் ரக ஏர் இந்தியா எக்ஸ்பிரஸ் 812 விமானம் ஓடுபாதையில் இருந்து விலகி தீப்பிடித்து அருகே உள்ள வனப்பகுதியின் பள்ளத்தில் விழுந்து நொறுங்கியது.
இந்த கோர விபத்தில் பச்சிளம் குழந்தைகள், பயணிகள், விமானிகள் உள்பட 158 பேர் உடல் கருகி பலியானார்கள். ஒரு பெண் டாக்டர் உள்பட 8 பேர் மட்டும் அதிருஷ்டவசமாக உயிர் தப்பினர். விபத்து நடந்த இடத்தில் சனிக்கிழமை காலை முதல் இரவு வரை தொடர்ந்து நடந்த மீட்புப் பணியில் பலியான 158 பேரின் சடலங்களும் மீட்கப்பட்டன.
ஆனால் விபத்துக்கான காரணத்தை அறிய உதவும் கருப்புப் பெட்டி கிடைக்கவில்லை. அந்தக் கருவி பெயரளவில்தான் 'கருப்புப் பெட்டி' என்றழைக்கப்படுகிறது. ஆனால் அதன் உண்மையான நிறம் 'ஆரஞ்சு' ஆகும்.
இந்தக் கருவியை ஆங்கிலத்தில் காக்பிட் வாய்ஸ் ரெக்கார்டர் (சி.வி.ஆர்.) என்று அழைக்கிறார்கள். விமான நிலையத்திலிருந்து விமானம் புறப்படும்போதும், வானில் பறக்கும்போதும், தரையிறங்கும்போதும் விமானிகள் மற்றும் விமான நிலையத்திலுள்ள விமான கட்டுப்பாட்டு மைய (ஏ.டி.சி) அதிகாரிகள் இடையே நடக்கும் உரையாடலை இந்த கருப்புப் பெட்டி துல்லியமாக தானாகப் பதிவு செய்யும்.
அனைத்து விமானங்களிலும் அதன் வால் பகுதியில் இந்த கருவி பொருத்தப்பட்டு இருக்கும். விமானம் எவ்வளவு பெரிய விபத்துக்குள்ளானாலும் இந்தக் கருவி சேதமடையாது. இந்தக் கருவியில் பதிவாகும் கடைசி நேர உரையாடலை வைத்து விபத்துக்கு காரணம் என்ன,விமானிகள் பேசியது என்ன? என்பன உள்ளிட்ட விவரங்களை அறிய முடியும்.
அதேபோல எஃப்.டி.ஆர். எனப்படும் விமான தகவல் பதிவுக் கருவியும் விபத்துக்கான காரணத்தை கண்டறிய உதவும். விமானத்தின் தொழில்நுட்ப தகவல்களை இந்தக் கருவி பதிவு செய்யும். எனவே, முக்கியத் தடயமாக உள்ள இந்த 2 கருவிகளையும் விபத்து நடந்த இடத்தில் விமான போக்குவரத்து இயக்குநரக அதிகாரிகள், ஊழியர்கள் ஞாயிற்றுக்கிழமையும் தேட ஆரம்பித்தனர்.
அப்போது, வனப்பகுதியில் வெடித்துச் சிதறிக் கிடந்த விமானத்தின் வால் பகுதியின் ஒரு பாகத்தில் இருந்த அந்த கருப்புப் பெட்டியையும் எஃப்.டி.ஆர். கருவியையும் அதிகாரிகள் கண்டுபிடித்தனர். அதேபோல விமானத்தின் சிதறிய பாகங்களில் இருந்து விசாரணைக்கு உதவும் சில கருவிகளையும் அதிகாரிகள் கைப்பற்றி ஆய்வுக்காக எடுத்துச் சென்றனர்.
இந்த கருவிகள் ஆய்வுக்காக திங்கள்கிழமை தில்லிக்கு எடுத்துச் செல்லப்படுகிறது. அங்கு, சிவில் விமானப் போக்குவரத்து இயக்குநரகத்தின் விமானப் பாதுகாப்பு பிரிவு அதிகாரிகள் கருவிகளை ஆய்வு செய்வார்கள். இந்த ஆய்வுக்கு அமெரிக்க விமான நிறுவனம், போயிங் நிறுவனம், கென்யான் விமானப் பாதுகாப்பு நிறுவனம் போன்றவற்றின் அதிகாரிகள் உதவி புரிவார்கள் என்று அதிகாரிகள் தெரிவித்தனர்.
விமான விபத்து நடந்ததற்கான காரணத்தை அறிய உதவும் கருப்புப் பெட்டி மற்றும் எஃப்டிஆர் கருவிகள் கண்டுபிடிக்கப்பட்டுள்ளதால், விபத்துக்கான காரணம் விரைவில் தெரியவரும்.துபையிலிருந்து புறப்பட்டு, கர்நாடக மாநிலம் மங்களூர் பஜ்பே விமான நிலையத்தில் சனிக்கிழமை அதிகாலை 6.30 மணிக்கு தரையிறங்கிய போயிங் ரக ஏர் இந்தியா எக்ஸ்பிரஸ் 812 விமானம் ஓடுபாதையில் இருந்து விலகி தீப்பிடித்து அருகே உள்ள வனப்பகுதியின் பள்ளத்தில் விழுந்து நொறுங்கியது.
இந்த கோர விபத்தில் பச்சிளம் குழந்தைகள், பயணிகள், விமானிகள் உள்பட 158 பேர் உடல் கருகி பலியானார்கள். ஒரு பெண் டாக்டர் உள்பட 8 பேர் மட்டும் அதிருஷ்டவசமாக உயிர் தப்பினர். விபத்து நடந்த இடத்தில் சனிக்கிழமை காலை முதல் இரவு வரை தொடர்ந்து நடந்த மீட்புப் பணியில் பலியான 158 பேரின் சடலங்களும் மீட்கப்பட்டன.
ஆனால் விபத்துக்கான காரணத்தை அறிய உதவும் கருப்புப் பெட்டி கிடைக்கவில்லை. அந்தக் கருவி பெயரளவில்தான் 'கருப்புப் பெட்டி' என்றழைக்கப்படுகிறது. ஆனால் அதன் உண்மையான நிறம் 'ஆரஞ்சு' ஆகும்.
இந்தக் கருவியை ஆங்கிலத்தில் காக்பிட் வாய்ஸ் ரெக்கார்டர் (சி.வி.ஆர்.) என்று அழைக்கிறார்கள். விமான நிலையத்திலிருந்து விமானம் புறப்படும்போதும், வானில் பறக்கும்போதும், தரையிறங்கும்போதும் விமானிகள் மற்றும் விமான நிலையத்திலுள்ள விமான கட்டுப்பாட்டு மைய (ஏ.டி.சி) அதிகாரிகள் இடையே நடக்கும் உரையாடலை இந்த கருப்புப் பெட்டி துல்லியமாக தானாகப் பதிவு செய்யும்.
அனைத்து விமானங்களிலும் அதன் வால் பகுதியில் இந்த கருவி பொருத்தப்பட்டு இருக்கும். விமானம் எவ்வளவு பெரிய விபத்துக்குள்ளானாலும் இந்தக் கருவி சேதமடையாது. இந்தக் கருவியில் பதிவாகும் கடைசி நேர உரையாடலை வைத்து விபத்துக்கு காரணம் என்ன,விமானிகள் பேசியது என்ன? என்பன உள்ளிட்ட விவரங்களை அறிய முடியும்.
அதேபோல எஃப்.டி.ஆர். எனப்படும் விமான தகவல் பதிவுக் கருவியும் விபத்துக்கான காரணத்தை கண்டறிய உதவும். விமானத்தின் தொழில்நுட்ப தகவல்களை இந்தக் கருவி பதிவு செய்யும். எனவே, முக்கியத் தடயமாக உள்ள இந்த 2 கருவிகளையும் விபத்து நடந்த இடத்தில் விமான போக்குவரத்து இயக்குநரக அதிகாரிகள், ஊழியர்கள் ஞாயிற்றுக்கிழமையும் தேட ஆரம்பித்தனர்.
அப்போது, வனப்பகுதியில் வெடித்துச் சிதறிக் கிடந்த விமானத்தின் வால் பகுதியின் ஒரு பாகத்தில் இருந்த அந்த கருப்புப் பெட்டியையும் எஃப்.டி.ஆர். கருவியையும் அதிகாரிகள் கண்டுபிடித்தனர். அதேபோல விமானத்தின் சிதறிய பாகங்களில் இருந்து விசாரணைக்கு உதவும் சில கருவிகளையும் அதிகாரிகள் கைப்பற்றி ஆய்வுக்காக எடுத்துச் சென்றனர்.
இந்த கருவிகள் ஆய்வுக்காக திங்கள்கிழமை தில்லிக்கு எடுத்துச் செல்லப்படுகிறது. அங்கு, சிவில் விமானப் போக்குவரத்து இயக்குநரகத்தின் விமானப் பாதுகாப்பு பிரிவு அதிகாரிகள் கருவிகளை ஆய்வு செய்வார்கள். இந்த ஆய்வுக்கு அமெரிக்க விமான நிறுவனம், போயிங் நிறுவனம், கென்யான் விமானப் பாதுகாப்பு நிறுவனம் போன்றவற்றின் அதிகாரிகள் உதவி புரிவார்கள் என்று அதிகாரிகள் தெரிவித்தனர்.
0 கருத்துகள்: on "மங்களூர் விமான விபத்து கருப்புப் பெட்டி மீட்பு"
கருத்துரையிடுக