ஷார்ஜா நேசனல் பெயிண்ட்ஸ் தொழிற்சாலையில் பயங்கர தீ விபத்து

ஷார்ஜா:நேற்று காலை(11/05/10) 9 மணியளவில் ஷார்ஜாவில் தொழிற்பேட்டை பகுதியிலிலுள்ள நேசனல் பெயிண்ட் தொழிற்சாலையில் பயங்கர தீவிபத்து ஏற்பட்டது. ஆள் சேதம் ஏற்பட்டதாக இதுவரை தகவல் இல்லை. இரண்டு பேருக்கு தீயினால் ஏற்பட்ட கடும் காயம் காரணமாக மருத்துவமனையில் அனுமதிக்கப்பட்டுள்ளதாக கலீஜ் டைம்ஸ் பத்திரிகை கூறுகிறது.

தீயினால் பாதிப்பு ஏற்படாமலிருக்க அப்பகுதியிலுள்ள வீடு மற்றும் அலுவலகத்திலிருப்போர் வேறு இடங்களுக்கு மாற்றப்பட்டுள்ளனர்.

ஷார்ஜாவிற்கு துபாய் மற்றும் அஜ்மானிலிருந்து செல்லும் சாலைகள் பாதுகாப்பு காரணங்களால் மூடப்பட்டிருந்தன.

ஷார்ஜா,துபாய்,அஜ்மான் ஆகிய எமிரேட்ஸ்களைச் சார்ந்த சிவில் டிஃபன்ஸ் தீயணைப்புவீரர்கள் தீயை அணைக்க கடுமையாக போராடினர்.