குவைத்தில் இந்திய நர்ஸ்களுக்கு அதிக வரவேற்பு உள்ளது. அந்நாடு விரைவில் இந்தியா உள்ளிட்ட பல்வேறு நாடுகளில் இருந்து 2000 நர்ஸ்களை தேர்வு செய்ய முடிவெடுத்துள்ளது.குறிப்பாக இந்தியாவில் இருந்து அதிக நர்ஸ்களை தேர்வு செய்ய முடிவெடுத்துள்ளது. இதில் இருந்து இந்திய நர்ஸ்களின் திறமைக்கும்,சேவைக்கும் அங்கு அதிக வரவேற்பு இருப்பது உறுதியாகியுள்ளது.
மருத்துவ வசதியை விரிவுபடுத்த அரசு முடிவெடுத்துள்ளது. இதனால் இந்தியா, இலங்கை, எகிப்து, பிலிப்பைன்ஸ் உள்ளிட்ட நாடுகளில் இருந்து 2000 நர்ஸ்களை தேர்வு செய்ய முடிவெடுத்துள்ளோம். நர்ஸ்களை தேர்வு செய்ய தனிக் குழு அமைக்கப்பட்டுள்ளது. அந்தக் குழு இந்த நாடுகளுக்குச் சென்று திறமையான நர்ஸ்களை தேர்வு செய்யும் என்று குவைத் மருத்துவத் துறையின் மூத்த அதிகாரி ஒருவர் தெரிவித்தார்.
வெளிநாடுகளில் இருந்து ஒப்பந்த அடிப்படையில் நர்ஸ்கள் தேர்வு செய்யப்படுவர். அவர்களுக்கு உரிய ஊதியம் அளிக்கப்படும் என்றும் அவர் கூறினார்.
வளைகுடா நாடுகளில் மட்டுமல்லாது உலகம் முழுவதுமே இந்திய நர்ஸ்களுக்கு சமீபகாலமாக நல்ல வரவேற்பு உள்ளது. இதனால் நர்ஸிங் படித்து விட்டால் உள்நாட்டில் இல்லாவிட்டாலும் வெளிநாட்டிலாவது எப்படியும் வேலை கிடைத்துவிடும் என்ற நம்பிக்கை இந்திய பெண்கள் மத்தியில் அதிகரித்துள்ளது.
இந்தியாவில் சமீபகாலமாக நர்ஸிங் படிப்பில் சேரும் பெண்களின் எண்ணிக்கை அதிகரித்துள்ளதே இதைக் காட்டுகிறது.
0 கருத்துகள்: on "குவைத்தில் இந்திய நர்ஸ்களுக்கு அதிக வரவேற்பு"
கருத்துரையிடுக